GUY Busaka watozaga ikipe y'igihugu ya DR Congo niwe mutoza mushya wa GASOGI United

Kuri uyu wa 2 nibwo ikipe ya Gasogi united iherutse kwegukana igikombe cya shampiyona  mu cyiciro cya 2 ikaba ije guhatana mu isibaniro ry'ibikombe mu mupira w'amaguru mu Rwanda, yamaze kubona umutoza mukuru. Ni Guy Busaka watozaga ikipe ya AS NYUKI ya guverineri Julien Paluku i Butembo muri Kivu y'amajyaruguru.
Guy kandi yari umutoza w'ikipe za DR Congo zose z'ingimbi, ubwo ni mu batarengeje imyaka 20 na 23, iyo ya nyuma iherutse gusezerera Amavubi mu majonjora y'imikino olempike 2020 izabera mu Buyapani.

Si ibyo gusa kandi kuko president wa Gasogi united, Kakooza Nkuliza Charles uzwi nka KNC yazindutse asinyisha umukinnyi Cyuzuzo Ally wari uhetse Kirehe FC muri shampiyona iheruka. akaba akina imbere ya ba nyugariro.