GISAGARA VOLLEYBAL IMAZE GUTSINDA FAP YA CAMEROUN, YIFATANIJE N'ABANYARWANDA BABA MU MISIRI MU GIKORWA CYO KWIBUKA KU NSHURO YA 25 GENOCIDE YAKOREWE ABATUTSI MU 1994

GISAGARA volleyball ikomeje urugamba rwo guharanira kugaragara mu makipe 10 ya mbere ku ruhando rw'Afrika mu marushanwa ari kubera i Cairo, Egypt. Kuri iki cyumweru ikaba yatsinze ikipe yari ihagarariye Cameroun ya FAP ku maseti 3-1. Bituma yinjira mu makipe 4 azahatanira kuva ku mwanya wa 9-12.

Gigasara volleyball yahise yerekeza Conrad hotel kwifatanya n'abandi banyarwanda baba mu Misiri mu gikorwa cyo kwibuka ku nshuro ya 25 Genocide yakorewe abatutsi mu 1994.

GVC yifotozanya na Ambassador w'u Rwanda mu Misiri, Sheikh Saleh Habimana

Kuri uyu wa mbere saa sita zuzuye iraba icakirana na Police ya Botswana.
Uyu mwaka abarabu bakaba baragaragaje umukino udasanzwe muri Volleyball, volley isukuye itarimo amakosa menshi nko kwangiza services ndetse na gukora inshundura bya hato na hato, binatuma nta kipe y'Afrika y'abirabura izagaragara mu makipe 4 ya mbere. Kuko muri 1/2 hageze; Ahly na Smouha zo mu MISIRI na Swehly na Ahly Tripoli zo muri Libya.