GISAGARA VOLLEYBALL NTIKIJE MU MAKIPE 8 MU IRUSHANWA RY'AFRIKA

Dusenge Wycliff umwe mu bakinnyi ba Gisagara bakoze iyo bwabaga ariko biranga,

Nyuma yo gutsindwa umukino wa 2 n'ikipe ya Etihad yo muri Libya inayirusha cyane cyane mu kwirinda amakosa ashingiye kuri service, urushundura, gukwepa urukuta rwa mukeba n'ibindi. Gisagara yahanyanyaje irasunika ariko biranga umukino waje kurangira ari amaseti 3-0 kuri 21,23,21 mu marushanwa ahuza amakipe y'ibigugu kurusha andi muri Afrika, bisobanuye ko ikipe ya Gisagara volleyball itazaza mu makipe umunani ya mbere muri Afrika. No mu makipe ya mbere 10 byagorana kuko yatsinzwe na Uganda christian university nayo kugeza ubu bisa n'ibitazashoboka kuza mu 8 za mbere.

Murangwa Nelson yanyuzagamo akereka abarabu ko Gisagara atari agafu k'invugwarimwe

Imikino yo mu matsinda irakomeza kuri uyu wa 3 aho guhera 20h00 ku isaha ya Kigali, ruba rwambikanye hagati ya Gisagara Volleyball n'ikipe ya Smouha yo mu Misiri abasesenguzi babona ko mu bukana ishobora kuba ari iya 2 muri iri rushanwa hatabayeho urwa ngendanyi.

Umukino w'uyu munsi ni 20h00 ku isaha ya Kigali, byizewe 100% murawukurikira live kuri
-CAVB youtube channel
-Instagram: muramiraregisi
-Youtube.com.......Muramira tv.....ukabanza ugakora subscribe.
-Abo ibyo bigora baza kunyandikira kuri whatsapp number 0788434649 nkaboherereza Link bakandaho biboroheye match igahita igaragara.