Kavalo yasubukuye imyitozo, Gisagara volleyball izongera gukina ku wa 6

Nyuma y'imvune yari yagiriye mu myitozo ikipe itarahaguruka mu Rwanda, umukinnyi wa Gisagara volleyball Kavalo Patrick ubu yatangiye imyitozo. Akaba afite n'ikizere cyo kuzakina imwe mu mikino y'itondeka (classement) mu marushanwa ari kubera mu Misiri ahuza amakipe yabaye aya mbere iwayo muri Volleyball.

Gisagara volleyball izongera kumanuka mu kibuga ihura na Gendarmerie ya Madagascar kuri uyu wa 6 guhera 17h00 ku isaha yo mu Rwanda.
Ikizere ku ikipe ya Gisagara kikaba kimaze kugaruka nyuma yo guhagama Smouha yo mu Misiri, ikabona iseti mu kipe ihabwa amahirwe yo kuba yatwara cg yagera ku mukino wa nyuma. Kavalo yari yavunitse mu nkokora mu gihe k'imyitozo.

.