Gabon yasezerewe mugikombe cy'Afurika nubwo ariyo yacyakiriye

Ikipe y’igihugu ya Gabon, yakiriye irushanwa ry’igikombe cya Afurika cya 2017, yasezerewe itarenze amatsinda, ni nyuma yo kunganya na Cameroun 0-0 mu mukino usoza iyo mu itsinda rya mbere.

 
Uyu mukino wabereye rimwe n’uwahuzaga ikipe ya Burkina Faso na Guinea-Bissau, byaje kurangira Burkina Faso itsinze ibitego 2-0.
Rudinilson yitsinze igitego cya mbere ku munota wa 13 w’umukino mu gihe Traore yaje gutsindira Burkina Fasa igitego cya kabiri cyabahesheje kuzamuka bayoboye itsinda n’amanota 5, ariko bazigamye ibitego 2.
Cameroun ikaba yazamukanye na Burkina Faso, ifite amanota atanu n’igitego kimwe izigamye mu gihe Gabon na Guinea-Bissau zasezerewe zifite amanota 3 na 1.
Gabon ikaba ibaye igihugu cya gatatu kimaze gusezererwa, ni nyuma yaho ijyanye na Guinea-Bissau, ibihugu byombi byiyongera kuri Uganda yaraye isezerewe mu itsinda D nubwo igifitemo umukino usoza, ni nyuma yo gutsindwa na Misiri 1-0, bari baratsinzwe na Ghana 1-0.
Kuri uyu wa Mbere, harakinwa imikino isoza itsinda rya kabiri, aho Algeria irakina na Senegal mu gihe Tunisia irakina na Zimbabwe, imikino irabera ku isaha imwe (21:00).
Senegal ifite amanota 6, Tunisia 3, Algeria na Zimbabwe bafite inota rimwe.