Umutoza wa Algeria yeguye nyuma yuko atarenze amatsinda muri AFCON

Umutoza watozaga ikipe y'igihugu ya Algeria George  Leekens yamaze kwegura nyuma yuko iyi kipe yatozaga itarenze imikino y'amatsinda mu gikombe cy'afurika kiri kubera muri Gabon.
Ikipe y'igihugu ya Algeria ikaba yarahabwaga amahirwe yo kwegukana igikombe mbere yuko gitangira ariko bikaba bitunguranye aho ivuyemo idatsinze umukino n'umwe.

Mu itsinda B babarizwagamo banganyije imikino  2 irimo uwa Senegal,Zimbabwe, baza gutsindwa na Tunisia 2-1.
Uyu mugabo watozaga Algeria akaba yatangaje ko yahisemo gusezera kuri aka kazi nyuma yuko nta musaruro yatanze nubwo ngo yagerageje kwitanga n'umutima we wose.
Ikipe ya Algeria iri mumakipe yari afite abakinnyi bakomeye mu gikombe cy'afurika nka Riyad Mahrez watowe nk'umukinnyi wa mbere muri Afurika akaba asanzwe akinira Leicester na Islam Sliman bakinana,Yacin Brahimi ukinira FC Porto,ndetse Faouz Ghoulam ukinira Napoli.