Rayon sports itakaje amanota abiri mbere yo guhura na mukeba

Rayon Sports yari yakiriye ikipe ya Etincelles mu mukino w’umunsi wa 13 wa shampiyona y’icyiciro cya mbere mu Rwanda, yatakaje amanota abiri imbere y’iyi kipe y’i Rubavu, banganya 0-0 kuri iki Cyumweru i Kigali.

 
Rayon Sports ikaba ikomeje kuyobora shampiyona n’amanota 33, amanota atatu imbere ya APR FC bazahura ku mukino ukurikira uzaba kuwa Gatandatu w’icyumweru gitaha.
Mu yindi mikino yabaye kuri iki Cyumweru, Amagaju FC yasanze Kirehe FC iwayo ayitsinda 2-1 mu gihe Musanze FC yakiriye Gicumbi FC, ikayitsinda 2-0.