Cameroon ikoze amateka mu gikombe cy'Afrika

Ikipe y'igihugu Intare Zidatsimburwa (Lions indoptables) ya Cameroun niyo yaraye yegukanye igikombe cya Afrika k'ibihugu mu mupira w'amaguru. Yabigezeho itsinze ibitego 2-1 Misiri. Cameroun ibaye iya kabiri n'ibikombe 5 mu mateka y'iri rushanwa nyuma ya Misiri igifite 7.
Misiri yafunguye amazamu ku gitego cya Elneny ukina ubusanzwe muri Arsenal mu Bwongereza, kishyurwa na Nkoulou mbere yuko Vincent Aboubakar ateramo ik'intsinzi mu minota ya nyuma y'umukino.
Essam El Hadary urindira igihugu cya Misiri nawe yinjiye mu mateka nk'umukinnyi ukuze kurusha abandi banyuze mu marushanwa anyuranye y'igikombe cy'Afrika. Ku myaka 44 n'ukwezi 1 akuyeho agahigo kari gafitwe na Hossam Hassan nawe w'umunyamisiri aho mu cy'Afrika 2006 yari afite imyaka 39 n'amezi 6.  
Essam El Hadary aramutse aje umwaka mu gikombe cy'isi hamwe na misiri yaba akuyeho nabwo agahigo k'iryo rushanwa ku mukinnyi ukuze gasanzwe gafitwe na Faryd Mondragon umunya colombia wari mu gikombe cy'isi giheruka 2014 afite imyaka 43 y'amavuko nawe wari warakambuye umunya Cameroun Roger Milla.

Ibindi bihembo byatanzwe:

Umukinnyi warushije abandi mu irushanwa: Christian BASSOGOG (Cameroon)

Umukinnyi warushije abandi ku mukino wa nyuma: Benjamin MOUKANDJO (Cameroon)

Igihembo cy'ubwitonzi: Egypt

Uwatsinze ibitego byinshi: Junior KABANANGA (DR Congo) – 3

Ikipe y'irushanwa:

Umuzamu: Fabrice ONDOA (Cameroon)

Abugarira: Modou Kara MBODJI (Senegal), Ahmed HEGAZY (Egypt), Michael NGADEU (Cameroon)

Hagati: Charles KABORE (Burkina Faso), Daniel AMARTEY (Ghana), Bertrand TRAORE (Burkina Faso), Christian ATSU (Ghana), Mohamed SALAH (Egypt)

Abasatirizi: Christian BASSOGOG (Cameroon), Junior KABANANGA (DR Congo)