FIFA: U Rwanda ku mwanya wa 100, rwasubiye inyuma imyanya 7

Urutonde ngarukakwezi rwa FIFA rwasohotse kuri uyu wa kane.  Nubwo u Rwanda rutakinnye umukino n’umwe muri uku kwezi rwasubiye inyuma imyanya irindwi (7) ruvaku mwanya wa 93 rujya ku mwanya w’ijana.

Impuzamashyirahamwe y’umupira w’amaguru ku isi FIFA itewe inkunga na Coca Cola buri kwezi isohora urutonde rugaragaza iterambere ry’umupira w’amaguru mu bihugu 211 biyigize.

Uru rutonde rukorwa ahanini hagendewe ku musaruro w’ikipe z’igihugu z’umupira w’amaguru. Muri Mutarama u Rwanda ntirwakinnye umukino n’umwe w’amarushanwa cyangwa uwa gicuti wemewe na FIFA.

Kuko ari ukwezi kwihariwe n’imikino y’igikombe cya Afurika cy’ibihugu cyabereye muri Gabon kuva tariki 14 Mutarama kugera 4 Gashyantare 2017. Igikombe cyatwawe na Cameroun itsinze Misiri ku mukino wa nyuma.

Ikipe y'igihugu  ya Cameroun niyo yazamutse kurusha andi kwisi nyuma yo gutwara igikombe cy'Afurika itsinze Misiri 2-1,ubu Cameroun ikaba yavuye kumwanya wa 62 ubu ikaba igeze kumwanya wa 33 kwisi.

Ibihugu 10 bya mbere ku isi:

1.Argentina
2.Brazil
3.Germany
4.Chile
5.Belgium
6.France
7.Colombia
8.Portugal
9.Uruguay
10.Spain
Ibihugu 10 muri Afurika:

1.Misiri (ya 23 ku isi)
2.Senegal (ya 31 ku isi)
3.Cameroon (ya 33 ku isi)
4.Tunisia (ya 36 ku isi)
5.DR Congo (ya 37 ku isi)

A makipe yo mu karere ka CECAFA:

1.Uganda (ya 75 ku isi)
2.Kenya (ya 87 ku isi)

3. U Rwanda (rwa 100 ku isi)

4.Ethiopia (ya 103 ku isi)
5.Burundi (ya 138 ku isi)
6.Sudan (ya 139 ku isi)
7.Tanzania (ya 158 ku isi)
8.Sudan y’Epfo (169 ku isi)
9.Djibouti, Eritrea Somalia zinganya amanota (Ni iza 205 ku isi)