Ku cyumweru abanyamuryango ba Rayon Sports barahurira mu Nteko rusange bishyirireho ubuyobozi

Nk’uko bigaragara mu butumire bw’inama y’Inteko rusange bwo ku wa 5/02/2017, abanyamuryango ba Rayon Sports barongera guhurira mu Nteko rusange kuri iki cyumweru tariki ya 12/02/2017.

Abanyamuryango bagiye guhurira mu Nteko Rusange ya kabiri muri uyu mwaka

Biteganyijwe ko muri iyi nama hazaba amatora ku buryo bukurikira:

• amatora y’inzego z’inama z’ubuyobozi (board)
• gutora abagize Komite Nyobozi y’umuryango wa Rayon Sports
• gutora abagize komite Nyobozi y’abafana mu rwego rw’igihugu

Iyi nama izasuzuma kandi ibintu n’ibindi.

Iyi Nteko rusange ije ikurikira iyaherukaga kuba tariki ya 29/01/2017 aho yafatiwe ibyemezo bikurikira:

Gukora umwiherero w’abayoboye Rayon Sports, abayiyobora ubu n’abahagarariye fan clubs ukazigirwamo ibijyanye n’amategeko ngenderwaho (Regelement d’ordre interieur) no kuvugurura asanzwe;

– Gushyiraho ibiro n’umukozi uhoraho uzaba shinzwe akazi ka buri munsi karebana n’ubuzima bwa Rayon Sports;

– Gushishikariza abakunzi ba Rayon Sports gukomeza kwitabira gahunda ya TIT yo gutera inkunga ikipe binyujijwe mu butumwa bugufi (SMS);

– Gukurikirana ikibazo cy’ubuzima gatozi bwa Rayon Sports FC bwasabwe na Ferwafa mu gihe Inteko rusange isanga nta mpamvu kuko ubuzima gatozi bw’Umuryango buhagije;

– Kuvugura amasezerano y’ubufatanye na Skol akazamara imyaka itatu

 Source: http://www.rayonsports.net