Kassa Mbungo muri Sunrise FC

Sunrise yahagaritse umutoza wayo ukomoka muri Nigeria, ashinjwa kwitwara nabi imbere y’abayobozi be, aho yashatse kubakubita.
 Ndungutse Jean Bosco, umuyobozi wa Sunrise FC, babaye bitabaje Cassa Mbungo mu gihe uyu mutoza mukuru agihagaritswe.
Cassa akaba yari amaze amezi arenga arindwi nta kipe afite nyuma yo gusezererwa na Police FC muri Kanama umwaka ushize, mu gihe kandi ari mu batoza batoje amakipe menshi muri iki gihugu.
Mu mukino w’umunsi wa 18 wa shampiyona, Sunrise FC iri ku mwanya wa 13 n’amanota 18, izasura ikipe ya Marines FC kuri Stade umuganda kuwa Gatandatu.
Iyi kipe ibarizwa mu karere ka Nyagatare, bakaba barakinnye imikino ibiri iheruka batari kumwe n’umutoza mukuru, batsindwa na AS Kigali ndetse na Kirehe FC.