APR FC na Rayon Sports ziracakirana 2 mu minsi 10

Amakipe ya APR FC na Rayon Sports azahurira mu mukino w’igikombe cy’ umunsi w'Intwari z'igihugu uzaba tariki ya 1 Gashyantare uyu mwaka.
Aya makipe yombi akaba agomba no guhurira mu mukino wa shampiyona izaba igeze ku munsi wa 14, aho bazahura kuwa Gatandatu utaha tariki ya 21 Mutarama 2017.
Uyu mukino w’igikombe cy’Ubutwari uzabanzirizwa n’uzahuza amakipe y’ingabo z’u Rwanda azaba yarahigitse ayandi mu majonjora ahuza abasirikare hirya no hino mu gihugu.