Sibomana Patrick ukinira APR FC yambitse impeta umukunzi we amusaba ko babana ubuziraherezo.

Sibomana Patrick bakunda kwita Pappy ukinira ikipe ya APR FC imbere ku ruhande rw'ibumoso yaraye yambitse umukunzi we impeta umusaba ko bazarushinga.

Sibomana Patrick yambitse impeta uyu mukunzi we witwa Uwase Housnat Soultan nyuma y'imyaka 5 bamaranye bakundana ndetse ntibatinye no kubigaragaza ku mugaragaro. Amafoto bakunda kwifotoza bari kumwe bakunda kuyashyira ku mbuga nkoranyambaga ndetse aba aherekejwe n'amagambo agaragaza ko urukundo rwabo rutajegajega. Ibirori byo kwambika impeta Housna, Patrick Sibomana yabikoreye mu Mujyi wa Kigali ahazwi ku izina rya Dallas. Patrick Sibomana yakomeje avuga ko yishimiye uburyo umuryango wa Housna wamwakiriye. Yongeyeho ko nyuma y'uko Uwase Housna amubwiye 'Yego', ubukwe bwabo bateganya ko butarenza ukwezi kwa Gicurasi 2017.
Ibi birori bikaba byanitabiriwe n’ababyeyi ,inshuti,n’abavandimwe kumpande zombi.