IMIHIGO YESEJWE MURI RUHAGO 2016

1.Ku myaka 35 n'iminsi 275, Aritz Aduriz ukinira Athletic Bilbao yakuyeho agahigo kari kamaze imyaka 86 ku mukinnyi ushaje watsindiye igitego igihugu ya Esipanye ubwo bakinaga na Macedonia. Bityo arenza iminsi 50 ku musaza Jose Maria Pena wari ufite agahigo kuva mu 1930.

2. Igihugu cya Mexico yabaye ikipe ya mbere itsindiye Leta Zunze Ubumwe za Amerika mu rugo mu majonjora y'igikombe cy'isi mu myaka 15 iheruka. Ikipe yaherukaga gutsindira USA mu rugo ni Honduras muri 2001.

3.Portugal yigaranzuye France, iyitsinda kuri finali y'igikombe cy'uburayi. Iyi ntsinzi yabaye iya mbere portugal ikoze ku bu fransa mu myaka 41 iheruka. Uyu mukino warangiye ari 1-0 cyatsinzwe na Eder. Uyu musore ubundi wavukiye muri Guinea-Bissau yahise yinjira mu mateka nk'umukinnyi utari umufransa ukina mu bufransa utsinze igitego gihesha igikombe igihugu cye, agahigo ubu asangiye na Jorge Burruchaga watsinze igitego kigahesha Argentine igikombe cy'isi 1986.


4. Mu 2016 kandi Brezil yabonye intsinzi 6 zikurikiranya mu majonjora y'igikombe cy'isi itsindamo  Ecuador, Colombia, Bolivia, Venezuela, Argentina na Peru. Ibi ikoze ni ubwa mbere kuva 1970 ubwo Brezil yabiherukaga. Iyo kipe y'icyo gihe yari iyobowe n'umutoza Mario Zagalo n'abakinnyi nka PELE yanatwaye igikombe cy'isi uwo mwaka, inafatwa kandi nkaho ariyo kipe ikomeye kurusha izindi zose z'ibihugu zabayeho.
Ibi bituma rero Brezil izaba iyobowe n'umutoza TITE ihabwa amahirwe yo kuzatwara igikombe cy'isi kizabera mu Burusiya 2018.


5.Mu 2016 kandi niho havuyeho agahigo ko kugura umukinnyi uhenze kurusha abandi ku isi. Real Madrid ikaba yari imaze kwesa ako aghigo ubugira gatanu ku bakinnyi Luis Figo, Zinedine Zidane, Kaka, Cristiano Ronaldo na Gareth Bale; mbere yuko Manchester United isibanganya utwo duhigo igura Paul Pogba miliyoni 105 z'amayero. Umupira w'abongereza ukaba wesheje agahigo ko gutunga umukinnyi uhenze ku isi ku nshuro ya 2 gusa mu myaka 65 iheruka. Indi nshuro ni mu 1996 ubwo Newcastle United yaguraga Alan Shearer  imukura muri Blackburn Rovers.

6.Ku myaka 49 n'iminsi 163 yongeye gutsinda igitego, Kazu Miura ukinira Yokohama FC akaba ariwe ukomeje kwisangiza agahigo ko gutsinda muri shampiyona y'ubuyapani ashaje kurusha abandi.

7.Mu 2016 kandi ubwo Kevin-Prince Boateng yatsindiraga Las Palmas muri Esipanye, yahise aba umukinnyi wa 6 ushoboye kwinjiza igitego muri buri shampiyona ikomeye yo ku mugabane w'uburayi. Ubwo ni English, German, Italian na Spanish. Abandi babigezeho ni Florin Raducioiu, Gica Popescu, Jon Dahl Tomasson, Pierre Wome na Obafemi Martins.