KU MYAKA 105 ARACYASIGANWA KU IGARE

Umufaransa Robert Marchand, icyumweru gishize ku wa 3 yakoze izina mu mateka y'umukino w'amagare aho yanyonze ibirometero 22.528  mu gihe cy'isaha imwe ku myaka 105.

Aho yanyuraga hose abafana bari benshi bamukomera amashyi menshi cyane cyane ku koni  rya
velodrome de Saint-Quentin-en-Yvelines. Yabwiye abanyamakuru ko yumva agifite agatege kuko ngo niyo ashaka yari kurenzaho.

Robert Marchand, yavutse mu 1911 mu majyaruguru y'ubu France, atangira kunyonga ku myaka 14 y'amavuko. Gusa ngo ageze mu myaka 67 nibwo yatangiye kunyonga abihaye agaciro kanini.
Mu 2012 uubwo yari yujuje imyaka 100 yesheje agahigo ku bantu bo mu kigero cye  ko gukora ibirometero 100 mu masaha 4 iminota 17 n'amasegonda 27.