ROONEY yinjiye mu mateka ya Manchester united.

Ku mukino wa FA cup kuri uyu wa 6, Manchester united yatsinze 4-0 Reading harimo igitego cya Wayne Rooney. Icyo gitego cyatumye agera ku mwanya wa mbere asangiye na Sir Bobby Charlton mu kuba baratsindiye ikipe ya Manchester united ibitego byinshi (249).
Aka gahigo Sir Bobby Charlton yari akisangije kuva 1973, none bigaragara ko kuba Rooney agikina agiye kukamukuraho akagasigarana wenyine niyongera kwiniza igitego.
Ku myaka 31, Rooney yageze muri Manchester united mu 2004 avuye muri Everton aguzwe miliyoni 27 z'amapawundi.
Mu ibyo bitego harimo 30 by'umutwe, 192 by'akaguru k'indyo, 27 by'imoso, 213 yamaze kwinjira mu rubuga rw'amahina, 36 hanze y'urubuga, penaliti 26, na coup francs 5.